Sjølvaste Tore Litlere Rydgren kjem til oss med all sin kunnskap om flogefiske og binding av floger. Laurdag 9.mars kjem Tore og held flogebindekurs for Femund JFF. Dette vil du ikkje gå glipp av! Ope for alle som vil. Påmeldinga gjør du til venstre på sida her.
Tore lærer bort 6-8 mønster som er litt variert ift bindeteknikk og kva dei imiterar og deltakarane bind sine eigne floger.
Prisen dekker leige av utstyr til binding og dei påmeldte får med sine eigne floger heimatt.
Vi legg opp til ein god pause i midten der det er mogleg å kjøpe lunsj og kaffi og kaker hjå Haugland Kafè.
Tore Litlere Rydgren er tilsatt ved Høgskulen iInnlandet og er av dei få i verda som underviser flogefisking til studentar. Tore er guide i flogefiske med Renaelva som spesialfelt. Han ligg i gjennomsnitt på rundt 60 – 70 fisketurer i året. Tore har guida og instruert sportsfiskere siden 1991 og har heldt fluefiskekurs heile vegen. Han er og fast inventar som flogefiskeekspert i Jakt- og fiskepodden som mellom anna blir vist på Naturkanal1. Tore heldt flogekastekurs for Femund JFF på open dag ved Fjellheimen Leirskole og kjem no attende med all sin kunnskap og kjærleik til Engerdal.