Stad: Grøndalsvatnet i Norddalsfjorden, Kinn kommune.
Dato: 28.-29. juni.
FINN kart - en ledende norsk karttjeneste
Bli med på jentetur til Grøndalsvatnet, med overnatting frå fredag til laurdag! Vi skal fiske etter ørret, lage god mat og ha triveleg selskap rundt bålet! Jenter i alle aldrar er velkomne til å vere med.
Grøndalsvatnet ligg innerst i Norddalsfjorden, i tidlegare Flora kommune. Vatnet har ein fin og rikeleg bestand av ørret. Du kan køyre heilt fram til der vi skal ha fiskecampen vår. Her kan du overnatte i telt, lavo eller i hengekøye. Dersom du treng tak over hovudet kan du ev. overnatte i eit koseleg, lite hus ved Sunndalsvatnet, ligg lenger framme i dalen. Der er det også dusj og toalett.
Ta med deg sovepose, liggeunderlag, ev. eige telt, hengekøye, fiskestang. Myggnetting er sikkert lurt å ha med! Vi ordnar middag/kvelds og frukost og lunsjmat til dagen etter. Kontakt oss om det er allergiar vi må ta omsyn til. Ta med eige drikke/snop. Vil du ha med fisk heim er det sikkert lurt å ta med ein kjølebag.
Oppmøte fredag frå kl. 17.00. (heilt greitt å kome seinare). Vi avsluttar i 15-tida laurdag.
Deltakarpris medlem: 250,-
Deltakarpris ikkje medlem: 450,-
Deltakaravgift er inkludert mat og fiskekort.
Kontaktperson: Torunn Rygg, torunnrygg@hotmail.com , tlf. 90565227
Påmeldingsfrist: 14. juni
Arr. Jenteutvalet, NJFF Sogn og Fjordane i samarbeid med Flora Jeger og Fiskerforening.
Tilbakebetaling av deltakeravgift
Avmelding innan påmeldingsfrist: Full refusjon utenom eit gebyr på 60,-
Avmelding etter påmeldingsfristen fram til 48 timer før kursstart: 50% refusjon
Avmelding innan 48 timer før kursstart: ingen refusjon.
Avmelding med legeerklæring: full refusjon minus gebyr på 60.
Ved avlyst arrangement får deltakar full refusjon.