Jegerprøven kan du ta frå det kalenderåret du fyller 14 år.
Jølster Jeger- og fiskerforening arrangerer Jegerprøvekurs våren 2025 med oppstart torsdag 27. februar kl. 18.00 og har undervisning torsdagar (med nokre unntak, sjå oversikt over samlinger) fram til og med mai månad, litt avhengig av korti skytebana opnar etter vinteren.
Instruktør på kurset er Ann Kristin Gaare, autorisert jegerprøveinstruktør, rifleinstruktør, instruktør ettersøk, jakthundinstruktør trinn 2.
Kursavgift:
Medlemspris NJFF:
Ungdom under 20 år: kr 1500,-
Vaksne etter fylte 20 år: kr 2000,-
Ikkje medlem:
Ungdom under 20 år: kr 2200,-
Vaksne etter fylte 20 år: kr 2700,-
For å bli medlem i NJFF og få rabatt må du registrere deg via: njff.no/medlem
Kursavgifta inkluderer "Arbeidsbok til jegerprøven" og mat på samling 4.
Eksamensgebyr kjem utanom.
Meir info om eksamen finn du her: Miljødirektoratet - jegerproveeksamen.no
Boka «Jegerprøven med Norges Jeger- og fiskerforbund» kan du bestille i lag med påmeldinga til kr. 200,- så får du den utlevert på kurset. Boka inneheld pensum for kurset, og er for øvrig eit kjekt oppslagsverk også etter kurset. Hugs å hake av for boka i påmeldingsskjemaet.
Jegerprøvekurset består av 30 timer og følgjande samlingar:
Samling 1 - Jakt, historie og haldningar (obligatorisk frammøte) | Torsdag 27. februar |
Samling 2 - Våpen og våpenlovgjeving (obligatorisk frammøte) | Torsdag 06. mars |
Samling 3 - Human og sikker jakt (obligatorisk frammøte) | Laurdag 03. mai |
Samling 4 - Skyting med hagle og rifle (obligatorisk frammøte) | Søndag 04. mai (med forbehold at skytebana er opna) |
Samling 5 - Artskunnskap | Torsdag 20. mars |
Samling 6 - Lover og forskrifter | Torsdag 27. mars |
Samling 7 - Jaktformer | Torsdag 03. april |
Samling 8 - Ettersøk av skada vilt | Torsdag 10. april |
Samling 9 - Handtering av felt vilt | Onsdag 23. april |
Samling 1, 2, 3 og 4 har obligatorisk fysisk oppmøte.
Du kan ha inntil to fråver på samling 5 til 9 mot at du syner dokumentasjon på at du har teke samlinga elektronisk. Meir info om dette får du ved kursstart.
Av praktiske omsyn tek vi samling 3 og 4 til slutt i kurset, då dette er utandørs og vi treng dagslys og ope skytebane.
Les meir om samlingane her: njff.no/jegerproven/jegerprovesamlinger